شوقى غنيم الإدارة العليا
عدد المساهمات : 18 تاريخ التسجيل : 02/06/2010 العمر : 85 الموقع : روضة الإبداع لعشاق الحروف
| موضوع: اتحملته كتير يا قلبى اتحملته كتير الثلاثاء نوفمبر 30, 2010 10:46 am | |
| اتحملته كتير يا قلبى..اتحملته كتير
اتحملته كتير يا قلبى
*******
اتحملته كتير يا قلبى......اتحملته كتير
وصبرت عليه..ما سألتش عن كلام الغير
وقلت يمكن بكره يتغير ..ما لقيتشى تغيير
وذاد فى بعده وعناده وهجره
واكتبله....... وما يجيش رده
وانا اللى كنت مخلصه لحبه
وقلبى كان له أسير
والله انا قلبى تعب من التفكير
موش قادره أصدق ان دا يحصل
وان ده يكون المصير
****
عشت حياتى صابره ومستنيّه
وانا وايامى وصورته لوحديّه
وهو ولا هنا ولا انا فى فكره
واصبر نفسى وقول دى أيام ومعديّه
لما ضاعت من عمرى السينين
وادور يمكن الاقيه وادورفين وفين
فين؟؟؟؟؟؟؟ ورحلتنا فى أيام موليّه
لما ضاع من قلبى الحنين ما بقاش فيه حنيّه
*****
فين راح الحب الجميل اللى عشناه سوا فى ليل طويل
والله كان فى قلبى أصيل وما تصورتش انه راح ينتهى
دا كان شيئ مستحيل
وفى ساعة الوداع قاللى انه راجع
ونشوف بعض مع قرص الشمس
ساعة الرحيل
وانده عليه ساعة الغروب
راح فين الحب اللى كان مالى القلوب
الحب اللى ما كانلوش مثيل
موش دا حاجه تحير
تخلى العمر قصير
ومن كتر بكايا دابت مناديل
لكن انتهت حيرتى لما رجع ومعاه واحده تانيه
هو كل اللى يسافر يا ناس ينتهى حبه فى ثانيه
دا الحب الاصيل ...أصيل والدم عمره ما يبقى ميّه
كدا ما كانشى حبه ليّه أصيل .....كان حب للتسليه
وأنا اللى استاهل وعلى قلبى أشيل رحلة الايام اللى جايه
مع تحياتى
| |
|
منى غنيم عاشقة الحروف أدارة عليا
عدد المساهمات : 89 تاريخ التسجيل : 02/06/2010
| موضوع: رد: اتحملته كتير يا قلبى اتحملته كتير الأحد يناير 09, 2011 7:52 am | |
| والدي وأستاذي الحبيب
عزفت على قيثارة الحب فأطرب عزفك قلوبنا
بين رياض الياسمين كنت هنا أستنشق عبير أحرفك
دمت لنا شاعرنا الجميل بكل حب | |
|